Misteri Malam: Cerita Horor ala Betawi yang Mengguncang Jiwa

Temen-temen, kalu ente pernah tinggal di perkampungan Betawi pastinye ente tauk dong cerite-cerite serem nyang biase diceritein ame orang2 tue dulu. Paling enggak pernah lah yah denger barang sekali. Tapi, buat bahan ingetan ma nostalgilaan aye mau nyobain ngebahas tentang cerite2 nyang perne aye dapet waktu masing di kampung dulu, dulu banget.. dan emang juga ade beberape nyang pernah aye alami kendiri sewaktu masing kecil ampe aye angkat kaki ke kampung orang. Adapun nyang ane mau coba adalah nyang biase jadi cerita di sekitar masyarakat Betawi ini, khususnye kampung aye, Jumalang..

Kuntilanak & Genderuwo'

Kalu kate orang dulu, Kuntilanak itu sebutan buat orang perempuan nyang mati beranak atawe abis beranak dan belon ampe 40 ari masa nifasnye kemudian diye mati penasaran. Kadang diye nongol emang menyerupain perempuan yang baru meninggal karena ngelahirin atawe keguguran eni. Demennye tinggal di pu'un kembang (kayek pu'un kemboja, pu'un cempaka, ame pu'un kenanga).

Ciri-cirinye kalu die nongol tuh ade suare nyang khas kayek ringkikan kuda dan dengan penampilan nyang biasanye berupa perempuan berambut panjang dengan baju putih yang panjang atawe longdress, atawe bise juga die muncul dengan bentuk kayek perempuan nyang masing berupa pocong..

Munculnye Kuntilanak eni biasanye barengan kalu ade perempuan nyang lagi mau beranak, perempuan lagi ngalamin keguguran dan banyak ngeluarin darah. Kalu kate dukun beranak orang nyang lagi begini darahnye wangi.. (auk ah gelap! wangi dari mane !? Nyang ade amis iye :3) ..

Cerite orang dulu malahan lebih serem lagi.. katenye kalau bini kite lagi pengen beranak mangkenye si suami kudu nemenin, karena kagak jarang ade Kuntilanak nyang suka nyaru jadi dukun beranak. Nanti kalu pas tuh anak keluar diye baru berubah jadi ujud nyang sebenernye.. dan siap memangsa.. akhirnye si anak ame si emak jadi mati mendadak..Seremnye lagi, nantinye si emak bakal jadi Kuntilanak dan si anak bakal jadi Genderuwo. Iih serrem amat yak!? -_-

Eh ngemeng-ngemeng, enni cerite jangan ditelen mentah-mentah ye.. Cerite dan adenye Kuntilanak ame Genderuwonye mah emang bener, dan entu masyhur nyebar di masyarakat Betawi. Tapinye kalo nyang asalnye entuh setan dari orang mati beranak ame anaknye nyang ikutan mati juge, entuh cerite perlu dilempengin. Karena dalem agame kite orang nyang mati itu lagi sibuk ame urusannye masing-masing dikuburan. Jadi boro-boro dia mau keluyuran apalagi gangguin orang laen nyang masing idup. Apalagi orang nyang mati beranak, entu masuk kategori syahid. Sedangkan anaknye nyang ikutan mati belon cukup umur, die bakalan jadi pelayan-pelayan sorga nantinye. Nggak banget kan kalu pade jadi setan? :D

Setan Rep-Rep

Nah, enni setan udeh kayak artis lagi zamannye aye sekolah di pondok dulu. Katenye sih, kate orang-orang tua dulu, itu adalah penjelmaan Jin nyang berupa gonggo nyang kakinye ade tujuh. Biasenye setan rep-rep eni sering ngegodain orang nyang lagi tidur. Kite nih dalem mimpi kadang kayek orang nyang diayun tinggi2 terus dijatuhin dari atas ke bawah ampe kite berase tereak sekenceng kencengnye. Kalu orang Betawi bilang ampe ati rasenye ilang.. gitu..

Kadang juga kite berasa badan kite ade nyang nindiin.. bueraat banget.. kepengen bangun susahnye masyaaloh.. kadang juga kite berasa udeh bangun, dan tauk kalu kite udeh melek dan di sekeliling kite ade orang .. tapinya mah pas kite tereak.. atupun kagak ade nyang denger.. nanti pas tuh setan udeh puas ngerjain kite atawe pas kite inget dengan sedikit baca-bacaan semisal baca ayat kursi, sahadat, atawe baca Qulhu.. baru deh tuh kite dilepasin dan bise bangun. Cumen kayak orang abis mandi belon gosokan pake anduk.

Setan Kuburan

Setan kuburan itu biasenye nongol emang sengaja lagi mo ngegodain orang nyang lagi pade jalan kendirian di tempat nyang sepi dan di malem ari nyang emang cocok buat diye nongol. Pada waktu diye mau nongol biasenye agak larut dan dingin dengan situasi nyang sepiii banget. Tapi, biasenye kite dibuat kagak sadar situasinye jadi kite rada2 kagak nyadar kite ketemu ame diye soale diye biasenye berupa orang, bise cowok bise juge cewek. Nanti, kalu kite udah keenakan diajak jalan baru deh pas kite sadar kite udeh kesasar ke dalam wilayah kober. Anehnye.. kadang keberadaan kita nyang kesasar juga jadi sesuatu yang nggak mungkin. Misalnye, kite bawak motor trus ade nyang numpang eh pas di wilayah situ diye terbang ke pu’un kembang.. atawe ke pu’un sawo atawe kemboja. Pas kite sadar tau-taunye kendaraan kite udah ade di tengah-tengah kuburan. Ngeri ah nyak! . . :3

Kalong Wewe'

Setan bebentuk kalong wewek ini biasenye nongol pas menjelang menggerib atawe abis banget menggerib. Katenye nih, setan eni paling demen ngumpetin anak-anak nyang pas waktu menggerib masing keluyuran diluar rumah. Jenis kelaminnye perempuan dengan tetek yang melorot ampe ke puser, bebulu dari pundak ampe pantat. Paling lebet sekitar kemaluannye ampe nutupin. tingginye paling2 dua ampe tige kali tinggi orang gede.

Setan kalong wewe ini, kalu ngumpetin tuh anak nyang lagi diincer biasanye nggak jauh-jauh kok. cumen kadang kitenye aje nyang kagak pade bisa ngeliat. Nah, kalu udah ada kejadian ade anak nyang ilang karena diumpetin ame kalong wewe.. biasenye orang sekampung pade keluar rume sambil bunyi-bunyiin alat-alat rume tangge macem mukulin kaleng krupuk lah, mukulin tampah lah, nabokin bakul lah, piring kaleng atawe gelas muk. bise juge pake bokor (semacem rantang).

Nah, nanti kalu tuh setannye udeh bosen biasanye tuh anak dilepas.. baru deh ketemu atawe keliatan ame orang2 nyang lagi pade nyariin. Anak kecil nyang biasanye abis diumpetin ame setan kalong wewek jadi sedikit linglung.. mangkenye kudu buru-buru disemburin ame aer yang abis dibacain ame ustad atawe dikasih minum aer yang abis dizikirin ame guru ngaji. insya-alloh lepas entu langsung diye dah bise nangis.

Tuyul

Menurut cerita masyarakat betawi Tuyul itu sejenis jin yang bisa dipake sama orang-orang yang pengen cepet kaya pake jalan yang nggak halal. Biasanye dengan sesajen atau syarat-syarat tertentu nanti diye nugasin tuyul entu buat nyari duit dengan cara gaib, dimana orang yang kehilangan duit nggak nyadar kalu duitnya udah ilang digondol tuyul.

Ade nyang bilang kalu tuyul itu makanannya darah sajen, ada juga yang syaratnye tuh tuyul ditete’-in ame bininye.

Jelangkung

"Jelangkung jelang-se disini ada pesta

Dateng nggak dijemput pulang nggak dianter"

Kate-kate yang kayak begituan dulu dizman aye masing kecil sering dipake kalau lagi pas malem bulan purnama. Tujuannye sih cuman buat maen-maenan berupa anak-anakan yang dibuat dari gayung yang dikasi tangan silang terus ujungnye dikasi pensil atawe alat tulis laen yang bisa digerakin. boneka jelangkungnya dikasi baju dan kaen. dengan sajen pake kembang 7 rupa nanti ade acara manggil makhluk halus yang diminta masuk ke dalam jelangkung. Setelah ada tanda-tanda setan tersebut masuk ke dalam boneka jelangkung, maka akan diadain wawancara atawe pertanyaan dari orang yang pade ikutan maen.. nanti dijawab ame tulisan yang dilakukan oleh tangan jelangkung yang udah diiketin alat tulis. Dan bila si jelangkung ingin menulis maka tangan dari orang yang memegangnya akan lemes dan bikin coretan-coretan sendiri.

Pas acara dianggap udah selesai dan si jelangkung merasa udah cape maka dengan kalimat terakhir barulah boneka jelangkung akan seperti semula lagi.

Memedi

Setan memedi ini biasanya hanya nongol pada malam bulan purnama atau pas malem rada terang bulan, atawa nyala lampu remeng-remeng. Biasanye memedi ini kalau menggoda orang ia seperti seekor binatang yang menyelinap disekitar kita dengan suara berisik seperti tikus atau kucing yang sedang main disampah jadi ada bunyi kresek-kreseknya. kalu kite sempet nemuin suara kayak gitu maka kalu kita gebah atawa digubris (hus!!) segera binatang tersebut berubah menjadi lebih besar dan seterusnya hingga kita merasa ketakutan dan ngibrit alias lari kebirit-birit.

Setan Balon

Setan balon ini biasanye diye bebunyi mendesis. Setan ini berupa makhluk jin dengan kuping yang panjang hingga ampe bahu. Nah, siape2 yang pada saat itu kena tamparan kuping dari setan ini, maka diye akan merasakan mukanya menjadi tebal. Dan nggak lama kemudian menjadi agak menyon.

Dalam suasana malam yang mencekam, cerita-cerita seram sering kali menjadi hiburan yang menghantui pikiran. Di Betawi, dengan kekayaan budayanya yang melimpah, tersimpan kisah-kisah misteri yang mengguncang jiwa. Kita sering mendengar tentang Kuntilanak yang bersembunyi di balik pohon kembang atau Genderuwo yang mengintai dari sudut gelap. Namun, di balik rasa takut itu, tersimpan pesan moral dan kearifan lokal yang mengajarkan kita tentang keseimbangan alam serta hubungan antara dunia nyata dan gaib.

Penting bagi kita untuk terus menjaga dan menghargai warisan cerita-cerita ini, sekaligus menghormati tradisi leluhur kita. Setiap tempat memiliki kisah-kisah yang turut membentuk identitasnya. Jangan lupa, ketika malam menyelimuti, tetaplah waspada dan hormati keberadaan dunia yang tak terlihat di sekitar kita.